Imagen del autor.

Presentación del libro “Es recuerdos de paye” de Óscar Lerín Gabás que tendrá lugar en la Biblioteca Municipal de Aínsa el viernes, día 21 de abril, a las 20 horas.

Descripción.
“Es recuerdos de paye” ye un libro de memorias narrau en primera persona, como cuasi toz es libros de memorias. El que el fa una mica especial ye que las memorias no son contadas per el protagonista de las vivencias que replega el libro. Son historias porgadas per dos memorias, las d’el protagonista, Inacio Gabás Mur, y las d’el nieto suyo. Son historias vistas per uellos cercanos, es uellos d’Óscar Lerín Gabás.

L’autor, Óscar Lerín, ha quiesto plasmar las historias y es recuerdos que el suyo paye, Inacio Gabás Mur, l’ha yiu contando dende que yera ninín y él las ha alzadas en la suya memoria ta hue fer-ne partache.

Estas pachinas, manimenos, son una puerta estrenyida per la que el lector entrará ta un mundo ya perdiu; el de la vida tradicional d’el Perineu aragonés en una val chicota y no guaire conoixida, La Comuna.

La luenga emplegada ye leixos d’artificios y anque viada de castellanismos chusmeya una frescor propia de la espontanidat con que güelo Inacio contaba las anecdotas de la suya vida y la vida de la valle anque heba naixiu y l’heba tocau vivir.